یارادان و باغیشلایان آللاهین آدی و یادیله
آدیم:امامویردی سامانی، تخللوصوم«ایمان» مین اوچ یوز ایرمی بئشینجی ایلده آذربایجانین قاراداغ ماحالی نین «کلیبر» شهرینده دونیایا گؤز آچیب و شعر عالمینه قدم قویاندان بری دؤرد شعر اثری چاپا چاتدیرمیشام و ایندی ده چاپ اولونمامیش شعرلریم واردیر. اولو تانریدان بوتون شعر یازان و شعر سئون و حاققا ده یه ر وئرن اینسانلارا اوزون عؤمور و اوغورلار دیله ییرم. بیر قطعه مفاعیلن مفاعیلن مفاعیلن وزنینده اولان فارسی بحر طویل و بیر قطعه تورکی دو بئیتی ایله سؤزومو سونا چاتدیریرام.
خدا را بنده ام آری، کنم شکرش فزون باری، نموده از سرِ حکمت، سخن را بر زبان جاری، قلم را بر سخن یاری، که بر فرسا و الفاظش، شوند آیندگان قاری، سرایند اصل و پنداری، که تازد عار بر خواری، ببندد رخت بی عاری، بلرزد کاخ جباری، بریزد طاق قدّاری، فرازد ارزش کاری، رهد بَرده ز بیگاری، به آساید زِ هشیاری، زِ «ایمان» مانَد آثاری.
اینـان سیـرداش دئسـه م سـؤزلـر سؤزومسه ن
سؤزومدن باش گـؤزومسه ن لاپ اؤزومسه ن
گـؤزومـده گـؤزله نـن گـؤزلـر گـؤزومسه ن
دئـیــیــلـسـه ن دردیـمـیـن درمـانی نـئـیـلیـم


نمونه اشعار:

ساربان

 

ائـی ســاروان آهــسـتـه گـئـت ، آرام جـانـیم دیر گـئـدن

آلمیش چکیـر یـار کـؤنـلـومـو ، کـؤنلو آلانیم دیرگـئـدن

هیجران عــذابی بیر طــرف ، بیر یاندان آغـری خسته لیک

ســانکی سوموکده سانجیلان ، سانجـار تیکانیم دیر گئدن

جهد ائتدیم  هیجـران یـاراسـیـن ، گیزلندیـرم افسـون ایلــه

گؤردوم دا اولماز گیزله لی ، کؤکسومده قانیم دیر گـئـدن

سـاخــلا یــورولــدو کـاروان ، ائـدمـه جـفـا ائـی سـاروان

او سرو بـوی یـار عـشـقـیـنـه ، گویی روانـیـم دیـر گـئـدن

تک لیک آغین دادماقدا من،اوزموش الین مندن گئدیر

سـورمـا داهـا منـدن نیـشـان ، دئلــدن نیشانیم دیر گـئـــدن

مندن دؤنوب سرکش یاریم ، ناخوش اونون عشقینده من

اولموش اوجاق اودلان دولو ، باشدان دوخانیم دیر گئـدن

سایسیـز بئدادی لــه اونـون ، اولمـوشسـادا  ایلقــاری بوش

کـؤنـلـومـده وار یـادی یئنه ، یا دیلده سانیم دیر گـئـدن

اگلش گؤزوم اوستـه قایـیـت ، ائی کؤنلوم آلمیش نازنین

یئردن قـوپان شیــوه ن سسـیـم ، گـؤیـلـرده بانیم دیر گئدن

یـاتمام گئجه صبحه کیـمـی ، آلـمام اؤیود بیر کیمسـه دن

نـه قـاصـیـدم یـولـدا گـئـدن ، الـدن عـئـنانیم دیـر گـئـدن
 



دومان

دومان دال دور چکیل مندن چؤکوب سانما سـوسـام سـنـدن

قانیـم دونمـاز بـوران چـنـدن جـوشـور بـابــک قـانـی مـنـده

ائلیمده اینـجـی پـایــلار وار سـارای تـک اولـدوز آیـلار وار

آراز تــک آرزی چـایــلار وارگـؤزلـلـیکـلـر کـانـی مـنـده

تورک اؤلکه سین دومان آلمـاز آلارسـا لـنـگـریـن سـالـمـاز

چن آلتیندا گونـش قــالـمـاز یــاشـیـرســؤزلـر جـانـی مـنـده

یـولـوم بـاغــلـیــب اؤنــوم کـسـمـه اَرَنـلـر یـور دونــا اسـمـه

بـاش اگـمـز ائـلــلریـم خــصــمـه آلـپ اَرَنـلـر بـانــی مـنـده

چـاغـیـرسـام بـوزلاریـن آغـلار بــوران لا چَـنـلـریـن داغـلار

قارانلیـقـلار کــؤچـون بــاغـلار وار آیـدیـنـلار دانـی مـنـده

ائل آرخام اودلاسویداشدی گاهداگؤردون جوشوب داشدی

اوندا قـوردون ایـشــی یـاشــدی آمـانــلـیـقـلار تـانـی مـنـده

«ایمان»ام دؤنـمه رم ائـلـدن ســوسـمـارام دالـقــادان سـئـلدن

کولک چیسگین دومان یئلـدن سوسار قـورخـو هـانـی مـنـده


باغبان

 

باغبان آچ باغ بره سین، باغـلامـا رضـوانـی مــنـه

گـول نـدی لاله نـدی،گـیزلـه‌مــه مـأوانی مـنـه

درمه رم اؤزگه گولو، چکمیشم هیجرینده قمیـن

آخـتــار آلالـه لـری، گـؤسـتـر او طوبانی مـنــه

گل وفا ائیله منـه ،گـؤزلـرین آخـدیـرمـا نـمـیـن

رحمه گـل وار خـبرین، قایـتـار اورؤیـانـی مـنـه

یانـیـرام هیـجرانینـین ،شمعـیـنـه پـروانـه کـیـمی

وئر نیشان بیـرده گـؤروم، لعـلِ سلـیـمـانـی مـنـه

باغریمین قان چیله یی، بـاغـلالی جـان تئـللـرینـه

یوخسا او ایسته مـه رم ،وئـرسه له مین جانـی منه

باغبان عهد ائدمه ییبن، باغلادی ایستک یولومــو

ائـیـلـه بـیـل یـوخ خیـالی، گؤسـتره مینانی مـنـه

گزمیشم داغلار ایله، بـاغلاری مجنـون قــه دری

تـاپمامیش دورسام اگر، باغلاما « ایـمان»ی مـنـه

RSS